At ito ang aking project. Welcome sa aking maliit na sapot dito sa internet.

Ako ay isang anak, asawa, ama, at kaibigan na mahigit dalawang dekada nang nagpapanggap bilang software developer dito sa Pilipinas. Kapag hindi ako nagtatrabaho o napipilitang tumulong sa mga gawaing bahay, nakatutok lang ako sa harap ng computer ko at tumitingin ng kung anu-ano.

Kapag may oras pa, nag-eenjoy din ako na magkuwento ng mga walang kuwentang istorya at magpasaya gamit ang aking mga corny jokes. Trip ko din manood ng mga palabas kapag tahimik na sa bahay, mag-soundtrip habang nagmumuni-muni, magpanggap na marunong magbasa, maglaro ng video games sa easy mode, at mag-isip ng mga maliliit na proyekto na hindi ko naman inuumpisahan gawin.